ثلاث سلامات



ممكن أبعتلك ثلاث سلامات
بس ثلاثة مش كفاية
مش هيكفوا غير سلامي لعينيك و لضحكتك و دفاك
و أنا لسه عايزة أسلم على كفوفك و قلبك و عليك
و على كلام قبل الفجر و بعده
عايزة أسلم على حمامة هتطير و تسيبك
عصفور محشور زي ما بتقول ما بين عضون
ومعنديش غير ثلاث سلامات
و بس
ف فكرت إن بلاش سلام اليومين دول
أحسن نطير أنا و إنت بعيد
و عشان جناحاتك مش بتطاوعك
ممكن
أشيلك في كفوفي
في بطن إيديا
و أنط فوق فوق و أدعي بكل حاجة فيّ
إن الجناحات إللي بحلم بيها و مبفتكرهاش الصبح
هتطلع
و أكون أنا بدل جناحات مبتسمعش كلامك


تعليقات

المشاركات الشائعة من هذه المدونة

زرع بصل

من البحر

Perhaps, Hands